امریکی سیکرٹری آف سٹیٹ انٹونی بلنکن نے کہا ہے کہ تہران میں حماس سربراہ اسماعیل ہنیہ پر حملے میں امریکا ملوث نہیں ہے۔
سنگاپور کے دوروزہ سرکاری دورے کے دوران غیر ملکی میڈیا کو دئیے گئے انٹرویو میں انٹونی بلنکن نے کہا کہ نو ماہ سے جاری جنگ کے خاتمے کا واحد حل جنگ بندی معاہدہ ہے اور امریکا اس کے لیے کوششیں جاری رکھے گا۔
امریکی سیکرٹری آف سٹیٹ نے کہا کہ غزہ کے لوگوں کی مشکلات کو کم کرنا اور مغوی کی رہائی کی کوششیں کرنا بہت اہم ہے، مشرق وسطیٰ میں کشیدگی کم کرنے کا بہترین طریقہ جنگ بندی معاہدہ ہے۔ ہماری کوشش ہے غزہ جنگ کو دیگر علاقوں تک پھیلنے سے روکا جائے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں