پاکستانی شوبز انڈسٹری کی معروف اداکارہ حرا مانی اپنے لباس اور نئے ہیئر اسٹائل کے باعث ایک بار پھر سوشل میڈیا صارفین کی تنقید کا نشانہ بن گئی ہیں۔ اداکارہ کی حالیہ تصاویر اور ویڈیوز سامنے آنے کے بعد ان کے انداز پر سوشل میڈیا پر بحث شروع ہوگئی۔حرا مانی ان دنوں کینیڈا میں موجود ہیں، جہاں وہ مختلف تقریبات میں شرکت کرنے کے ساتھ مداحوں سے ملاقاتیں بھی کر رہی ہیں۔حال ہی میں اداکارہ نے ٹورنٹو میں ایک فوڈ شاپ کی افتتاحی تقریب میں شرکت کی، جہاں ان کا بدلا ہوا انداز لوگوں کی توجہ کا مرکز بن گیا۔تقریب کے موقع پر حرا مانی سیاہ رنگ کے بغیر آستینوں والے لمبے لباس میں دکھائی دیں، جبکہ انہوں نے اپنے لمبے بال کٹوا کر مختصر بوب ہیئر اسٹائل بھی اپنا لیا۔اداکارہ کی تصاویر اور ویڈیوز سوشل میڈیا پر سامنے آتے ہی بعض صارفین نے ان کے لباس اور حلیے پر تنقید شروع کردی۔ ایک صارف نے ان کے لباس کے انتخاب پر سوال اٹھایا، جبکہ ایک اور صارف نے نئے ہیئر اسٹائل کو ناپسند کیا۔کچھ سوشل میڈیا صارفین نے حرا مانی کے نئے انداز کا موازنہ اداکارہ ہانیہ عامر سے بھی کیا۔ تاہم، سوشل میڈیا پر سامنے آنے والے تبصرے صارفین کی ذاتی آرا کی عکاسی کرتے ہیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں