لندن: ٹام کروز کی نئی فلم ’ڈگر‘ کے لندن پریمیئر میں شہزادہ ولیم اور شہزادی کیٹ کی شرکت نے تقریب کی رونق بڑھا دی، فلم کی عالمی نمائش سے قبل ہونے والی تقریب میں لیسٹر اسکوائر فلمی ستاروں کے ساتھ شاہی رنگ میں بھی نظر آیا۔شہزادہ ولیم اور شہزادی کیٹ نے وسطی لندن کے ODEON Luxe Leicester Square میں ہونے والے پریمیئر میں شرکت کی، جہاں انہوں نے فلم کی ٹیم اور دیگر مہمانوں سے ملاقات کی۔شہزادی کیٹ نے تقریب کے لیے جامنی رنگ کا خوبصورت گاؤن زیب تن کیا اور ہار بھی پہنا، جسے برطانوی میڈیا نے ملکہ مادر کے مشہور ایمیتھسٹ ہار سے منسوب کیا ہے۔تقریب کے دوران ٹام کروز نے شہزادی کیٹ سے ملاقات کی اور بلیک کارپٹ پر ان سے گفتگو بھی کی۔ فلم کے ہدایت کار الیخاندرو گونزالیز انیاریتو سمیت دیگر اہم شخصیات بھی پریمیئر میں موجود تھیں۔سابق انگلش فٹبالر ڈیوڈ بیکھم بھی اپنے بیٹوں کے ہمراہ تقریب میں شریک ہوئے، جس سے فلم کے پریمیئر میں معروف شخصیات کی شرکت مزید نمایاں ہوگئی۔فلم ’ڈگر‘ میں ٹام کروز ایک ایسے کردار میں نظر آئیں گے جسے انہوں نے خود تخلیق کیا ہے۔ فلم کی ہدایت کاری الیخاندرو گونزالیز انیاریتو نے کی ہے، جبکہ ٹام کروز کے مطابق یہ کردار کسی حقیقی شخصیت پر مبنی نہیں۔فلم ’ڈگر‘ کو امریکا اور برطانیہ سمیت مختلف ممالک کے سینما گھروں میں 2 اکتوبر کو ریلیز کیا جائے گا
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں