واشنگٹن: امریکی صدر ڈونلڈ ٹرمپ نے ایران کے ساتھ جاری کشیدگی اور فوجی محاذ آرائی کو جنگ قرار دینے سے انکار کرتے ہوئے دعویٰ کیا ہے کہ گزشتہ پانچ ماہ کے دوران کوئی شخص زخمی یا ہلاک نہیں ہوا۔ٹرمپ کا کہنا ہے کہ امریکا ایران کے معاملے میں نمایاں پیش رفت کرچکا ہے اور جنگ سے پہلے کے مقابلے میں اب زیادہ تیل حاصل کر رہا ہے۔ ان کے مطابق موجودہ صورت حال کو جنگ نہیں کہا جاسکتا کیونکہ گزشتہ پانچ ماہ کے دوران کسی شخص کی ہلاکت یا زخمی ہونے کا واقعہ پیش نہیں آیا۔امریکی صدر نے اپنے بیان میں کہا، ’’یہ جنگ نہیں ہے۔ جب پانچ ماہ تک کوئی زخمی یا ہلاک نہ ہوا ہو تو اسے جنگ نہیں کہا جاسکتا۔‘‘ٹرمپ کا یہ بیان ایسے وقت میں سامنے آیا ہے جب ایران کے خلاف امریکی فوجی کارروائیوں کے مستقبل کے حوالے سے غیر یقینی صورت حال برقرار ہے۔ وائٹ ہاؤس میں ایران پر نئے فضائی حملوں سمیت ممکنہ فوجی اقدامات پر غور کیے جانے کی اطلاعات بھی سامنے آتی رہی ہیں۔ایک جانب امریکی صدر موجودہ صورت حال کو جنگ تسلیم کرنے سے گریز کر رہے ہیں، تو دوسری جانب واشنگٹن اور تہران کے درمیان کشیدگی برقرار ہے اور امریکی انتظامیہ کے سامنے فوجی کارروائی کے مختلف امکانات موجود ہیں۔ٹرمپ نے گزشتہ پانچ ماہ کے دوران کسی جانی نقصان کا دعویٰ تو کیا، تاہم انہوں نے یہ وضاحت نہیں کی کہ ان کی مراد کس مخصوص عرصے، فوجی کارروائیوں یا محاذ آرائی سے ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں