ویب ڈیسک:پرتگال کے اسٹار فٹبالر کرسٹیانو رونالڈو نے عندیہ دیا ہے کہ موجودہ سیزن ان کے شاندار فٹبال کیریئر کا آخری سیزن ہوسکتا ہے۔ایک انٹرویو میں رونالڈو نے کہا کہ ممکنہ طور پر یہ فٹبال میں ان کا آخری سال ہے اور وہ کھیل کو ایک یادگار ورثے کے ساتھ الوداع کہنا چاہتے ہیں۔پانچ مرتبہ بیلن ڈی اور جیتنے والے رونالڈو انگلینڈ، اسپین، اٹلی اور سعودی عرب میں لیگ ٹائٹلز اپنے نام کرچکے ہیں جبکہ وہ بین الاقوامی فٹبال میں سب سے زیادہ گول کرنے والے کھلاڑی بھی ہیں۔پرتگالی کپتان گزشتہ تقریباً چار برس سے سعودی کلب النصر کا حصہ ہیں اور ان کے معاہدے میں ابھی ایک سال باقی ہے۔رونالڈو نے کہا کہ فٹبال سے دوری کے بعد وہ سفر، خاندان اور پیڈل جیسے کھیلوں میں وقت گزارنے سمیت زندگی کے مختلف پہلوؤں سے لطف اندوز ہونا چاہتے ہیں۔واضح رہے کہ 41 سالہ رونالڈو نے چند روز قبل اپنی دیرینہ ساتھی جارجینا روڈریگز سے شادی کی ہے، جن سے ان کے پانچ بچے بھی ہیں۔رونالڈو اپنے کیریئر کے 1000 گول مکمل کرنے سے صرف 24 گول دور ہیں۔دوسری جانب ان کے دیرینہ حریف لیونل میسی بھی اپنے مستقبل کے حوالے سے غیر یقینی کا اظہار کرچکے ہیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں