پاکستانی وفد میں شامل سینیٹر بشریٰ انجم نے کہا ہے کہ 20 جنوری سے پہلے ڈاکٹر عافیہ صدیقی کی رہائی سے متعلق فیصلہ متوقع ہے۔
نجی ٹی وی کے مطابق پاکستانی وفد نے امریکی جیل میں قید ڈاکٹرعا فیہ صدیقی سے تقریباً تین گھنٹے تک ملاقات کی۔ وزیراعظم کی ہدایت پر پاکستانی وفد ڈاکٹر عافیہ صدیقی کی رہائی کے لئے سرگرم ہے۔
پاکستانی وفد نے ڈاکٹر عافیہ صد یقی کے علاوہ امریکی کانگریس اور محکمہ خارجہ کے حکام سے بھی ملاقاتیں کیں۔ سینیٹر بشریٰ انجم نے کہا کہ عا فیہ صدیقی کی رہائی کے لئے امریکی حکام سے گفتگو مثبت رہی۔
ان کا کہنا تھا کہ امید ہے امریکی حکومت 20 جنوری سے پہلے عا فیہ صدیقی کی رہائی سے متعلق فیصلہ کرلے گی۔عافیہ صدیقی کا کیس عالمی سطح پر انسانی حقوق کا مسئلہ ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں