انگلش کرکٹرز نے پاکستان سپر لیگ (پی ایس ایل) سمیت دیگر غیرملکی لیگز کھیلنے سے روکنے پر سخت موقف اپنانے کا ارادہ کرلیا۔ معروف برطانوی اخبار دی ٹیلی گراف نے اپنی رپورٹ میں انکشاف کیا ہے کہ تقریباً 50 سرکردہ انگلش کرکٹرز اوورسیز فرنچائز ٹورنامنٹس انگلش بورڈ کی جانب سے روکنے پر احتجاجاً اگلے برس شیڈول دی ہینڈریڈ لیگ کا بائیکاٹ کرسکتے ہیں۔
گزشتہ ہفتے انگلینڈ کرکٹ بورڈ (ای سی بی) نے ڈومیسٹک سیزن کے باعث اپنے کھلاڑیوں کو پاکستان سپر لیگ سمیت دیگر فرنچائز لیگ میں شرکت پر پابندی عائد کردی تھی تاہم انڈین پریمیئر لیگ (آئی پی ایل) اس سے مستثنیٰ ہے۔
یہ بھی پڑھیں : پاکستان کے ہائبرڈ ماڈل کے انکار کے بعد بھارتی براڈ کاسٹر کی ICC کو وارننگ
گزشتہ دنوں ای سی بی نے اپنے کھلاڑیوں کو ڈومیسٹک کرکٹ ونڈو کے دوران ہونے والی فرنچائز لیگز کےلیے کھلاڑیوں کو این او سی جاری نہ کرنے کا منصوبہ بنایا تھا۔
بورڈ کا کہنا تھا کہ دی ہنڈریڈ لیگ اور ٹی 20 بلاسٹ کے درمیان ہونے والی لیگز میں بھی کھلاڑیوں کو شرکت کی اجازت نہیں دے گا۔ انگلش بورڈ کے این او سی دینے سے متعلق بیان کے بعد کھلاڑیوں اور ان کے ایجنٹس نے فیصلے پر مایوسی کا اظہار کیا جبکہ رواں ہفتے کرکٹرز ایسوسی ایشن کے ساتھ کئی میٹنگز بھی کی گئیں۔
پیر کو کھلاڑیوں کے ساتھ دو ملاقاتیں ہوئیں، جس میں تقریباً 50 کھلاڑیوں نے شرکت کی اور قانونی چارہ جوئی سمیت انٹرنیشنل کرکٹ کو خیرباد کہنے کا بھی عندیہ دیا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں