ویب ڈیسک: اداکارہ و سوشل میڈیا اسٹار دنانیر مبین کی حالیہ انسٹاگرام سرگرمی نے مداحوں کو ایک بار پھر قیاس آرائیوں میں مبتلا کردیا ہے، جہاں بعض صارفین ان کی پوسٹس اور اسٹوریز کو ممکنہ بریک اپ سے جوڑ رہے ہیں۔مداحوں نے دنانیر مبین کی حالیہ انسٹاگرام اسٹوریز، معنی خیز اقوال اور بعض پوسٹس کو لائک کرنے کی سرگرمی پر توجہ دی ہے، جس کے بعد سوشل میڈیا پر ان کی ذاتی زندگی کے حوالے سے مختلف قیاس آرائیاں شروع ہوگئی ہیں۔کچھ صارفین کا خیال ہے کہ دنانیر اپنے حالیہ سوشل میڈیا رویے کے ذریعے اپنی ذاتی زندگی میں کسی تبدیلی یا جذباتی دور کی جانب اشارہ کر رہی ہیں، تاہم ان دعوؤں کی آزادانہ طور پر کوئی تصدیق سامنے نہیں آئی۔دنانیر مبین کی یہ سرگرمی ایسے وقت میں سامنے آئی ہے جب ماضی میں ان کے اور اداکار احد رضا میر کے مبینہ تعلق کے حوالے سے بھی سوشل میڈیا پر چہ مگوئیاں ہوتی رہی ہیں۔تاہم دنانیر مبین اور احد رضا میر دونوں نے کبھی باضابطہ طور پر اس بات کی تصدیق نہیں کی کہ وہ کسی رشتے میں منسلک تھے، اس لیے ان کے تعلق سے متعلق خبریں اور قیاس آرائیاں محض افواہوں تک محدود رہی ہیں۔دنانیر مبین نے بھی تاحال بریک اپ سے متعلق کسی قسم کی تصدیق یا وضاحت جاری نہیں کی، اس لیے انسٹاگرام سرگرمی کی بنیاد پر ان کی ذاتی زندگی کے بارے میں حتمی نتیجہ اخذ کرنا ممکن نہیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں