وزیراعظم آزاد حکومت ریاست جموں وکشمیر چوہدری انوارالحق کی زیرصدارت بجٹ کےحوالے سے اعلی سطح اجلاس منعقد ہوا۔ اجلاس میں چیف سیکرٹری آزاد کشمیر خوشحال خان، سیکرٹری مالیات اسلام زیب خان، پرنسپل سیکرٹری ظفر محمود خان اور دیگر اعلی حکام نے شرکت کی۔ وزیر اعظم آزاد کشمیر کو سیکرٹری مالیات نے تفصیلی بریفنگ دی۔ اس موقع پر وزیراعظم آزادکشمیر نے کہا کہ بجلی اور آٹے کی مد میں دی جانے والی سبسڈی 71 ارب روپے کے خسارے کو اپنے وسائل کے اندر رہتے ہوئے پورا کیا جائے ۔ آمدہ بجٹ میں عوامی مفاد کے منصوبوں کو ترجیحی بنیاد پر شامل کریں گے، صحت، تعلیم کے شعبے میں ترقی اور انفراسٹرکچر کی بہتری حکومت کی ترجیحات میں شامل ہے، حکومت بجٹ میں عام شہری کی فلاح و بہبود کیلئے خصوصی طور پر فنڈز مختص کرے گی، انفراسٹرکچر کی ترقی سے سیاحت کو بھی فروغ ملے گا۔
سیکرٹری مالیات نے وزیراعظم کو آئندہ بجٹ سے متعلق تفصیلی بریفنگ دی، جس میں بجلی اور آٹے کی مد میں دی جانے والی سبسڈی اور مالی خسارے سے متعلق امور پر تبادلہ خیال کیا گیا۔
وزیراعظم چوہدری انوارالحق نے اجلاس سے خطاب کرتے ہوئے کہا کہ حکومت 71 ارب روپے کے خسارے کو اپنے دستیاب وسائل کے اندر رہتے ہوئے پورا کرنے کی بھرپور کوشش کرے گی۔ اُنہوں نے ہدایت کی کہ عوامی مفاد سے جڑے منصوبوں کو آئندہ بجٹ میں ترجیحی بنیادوں پر شامل کیا جائے۔
انہوں نے کہا کہ صحت، تعلیم، اور انفراسٹرکچر کی ترقی حکومت کی اولین ترجیحات میں شامل ہیں، اور بجٹ میں عام شہری کی فلاح و بہبود کو مدنظر رکھتے ہوئے خصوصی فنڈز مختص کیے جائیں گے۔
وزیراعظم کا کہنا تھا کہ انفراسٹرکچر کی بہتری سے نہ صرف عوام کو سہولیات میسر آئیں گی بلکہ سیاحت کے فروغ کے نئے مواقع بھی پیدا ہوں گے، جو آزادکشمیر کی معیشت کو مستحکم کرنے میں اہم کردار ادا کریں گے۔
اجلاس میں مختلف محکموں کی تجاویز پر غور کیا گیا اور ترقیاتی اہداف کے حصول کے لیے مربوط حکمت عملی ترتیب دینے پر اتفاق ہوا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں