تل ابیب: اسرائیل کے پارلیمانی انتخابات کے ابتدائی ایگزٹ پولز میں وزیرِاعظم بن یامین نیتن یاہو کے اتحاد اور اپوزیشن رہنما گادی آئزنکوٹ کے اتحاد کے درمیان سخت مقابلے کا امکان ظاہر کیا گیا ہے، تاہم کسی بھی اتحاد کو حکومت بنانے کے لیے واضح اکثریت ملتی دکھائی نہیں دے رہی۔ابتدائی ایگزٹ پولز کے مطابق دو جائزوں میں گادی آئزنکوٹ کے اتحاد اور نیتن یاہو کے کیمپ کے درمیان کانٹے کا مقابلہ ہے، جبکہ تیسرے ایگزٹ پول میں نیتن یاہو کا اتحاد معمولی برتری حاصل کرتا دکھائی دے رہا ہے۔تاہم، ان تخمینوں کے باوجود دونوں کیمپ اسرائیلی پارلیمان میں حکومت بنانے کے لیے درکار اکثریت سے پیچھے دکھائی دے رہے ہیں۔ اس صورتِ حال میں حکومت سازی کے لیے دیگر جماعتوں کی حمایت اہم کردار ادا کرسکتی ہے۔اپوزیشن کے ’تبدیلی بلاک‘ کی قیادت گادی آئزنکوٹ کر رہے ہیں، جو نئی قائم ہونے والی یاشار پارٹی کے سربراہ ہیں۔ اس اتحاد میں شامل اپوزیشن جماعتوں کا مشترکہ مقصد نیتن یاہو کو اقتدار سے ہٹانا ہے۔دوسری جانب ایگزٹ پولز میں نیتن یاہو کی لیکوڈ پارٹی اسرائیلی پارلیمان کی سب سے بڑی انفرادی جماعت بن کر ابھرتی دکھائی دے رہی ہے، تاہم سب سے بڑی جماعت بننے کے باوجود حکومت سازی کے لیے اسے اتحادی جماعتوں کی حمایت درکار ہوسکتی ہے
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں