ارجنٹینا کے لیجنڈ فٹبالر لیونل میسی کے بین الاقوامی فٹبال سے ریٹائرمنٹ کے اعلان کے بعد ان کی مشہور نمبر 10 شرٹ کو مستقل طور پر ریٹائر کرنے کی خواہش بھی سامنے آگئی، تاہم فیفا کے قوانین اس فیصلے کی راہ میں بڑی رکاوٹ بن گئے ہیں۔ارجنٹائن فٹبال ایسوسی ایشن کے صدر کلاڈیو تاپیا 2024 میں کہہ چکے تھے کہ میسی کے قومی ٹیم سے الگ ہونے کے بعد نمبر 10 کو ریٹائر کردیا جائے گا۔تاہم فیفا کے قوانین کے مطابق ورلڈکپ میں ٹیم کے کھلاڑیوں کو صرف ایک سے 26 تک کے شرٹ نمبرز دیے جاسکتے ہیں۔ چونکہ ورلڈکپ اسکواڈ میں زیادہ سے زیادہ 26 کھلاڑی شامل ہوسکتے ہیں، اس لیے بڑے ٹورنامنٹس میں نمبر 10 کو مستقل طور پر خالی رکھنا ممکن نہیں ہوگا۔ارجنٹینا ماضی میں بھی لیجنڈری فٹبالر ڈیاگو میراڈونا کی نمبر 10 شرٹ ریٹائر کرنے کی کوشش کرچکا ہے، تاہم 2002 کے ورلڈکپ سے قبل فیفا نے اس کی اجازت نہیں دی تھی اور ایریل اورٹیگا نے نمبر 10 کی شرٹ پہنی تھی۔یوں میسی کے بعد بھی ارجنٹینا کے کسی کھلاڑی کو یہ تاریخی نمبر پہننا ہوگا۔ تاہم میسی کی عظیم میراث اور ارجنٹینا کے فٹبال پر ان کا گہرا اثر آنے والی نسلوں تک برقرار رہے گا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں