ضلع ہنگو کے علاقے ٹل میں سیکیورٹی فورسز اور خوارج کے مابین فائرنگ کے نتیجے میں پاک فوج کے پانچ بہادر جوان شہید ہوگئے۔ ان شہداء میں نائب صوبیدار محمد خالد شہید (عمر 39 سال، ساکن ضلع کوہاٹ)، حوالدار جدید علی شہید (عمر 35 سال، ساکن ضلع اورکزئی)، لانس نائیک ولائت حسین شہید (عمر 28 سال، ساکن ضلع کرم)، لانس نائیک صفت اللہ شہید (عمر 30 سال، ساکن ضلع خیبر)، لانس نائیک شہید رحمان شہید (عمر 27 سال، ساکن کرم)، اور سپاہی نظام الدین شہید (عمر 27 سال، ساکن ساؤتھ وزیرستان) شامل ہیں۔
یہ بھی پڑھیں:سیکیورٹی فورسز کا خیبرپختونخوا کے مختلف اضلاع میں آپریشن،22 خوارج ہلاک، 6 جوان شہید
شہداء کی نماز جنازہ ٹل میں ادا کی گئی، جس میں کور کمانڈر پشاور سمیت اعلیٰ عسکری و سول حکام، فوجی جوانوں اور اہل علاقہ کی بڑی تعداد نے شرکت کی۔
یہ عظیم قربانیاں دفاع وطن میں بے مثال ہیں اور یہ ہمیشہ یاد رکھی جائیں گی، کیونکہ شہداء کی قربانیاں کبھی ضائع نہیں جائیں گی۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں