پاکستانی شوبز انڈسٹری کے معروف اداکار معمر رانا نے اپنی ازدواجی زندگی سے متعلق طلاق کی افواہوں پر خاموشی توڑتے ہوئے شادی برقرار رکھنے کی خواہش کا اظہار کیا ہے۔ اداکار کا کہنا ہے کہ وہ اپنے رشتے کا خاتمہ نہیں چاہتے اور انہیں امید ہے کہ حالات بہتر ہوسکتے ہیں۔حال ہی میں ایک پوڈکاسٹ میں گفتگو کرتے ہوئے معمر رانا نے انکشاف کیا کہ انہوں نے عدالت کی بعض دستاویزات پر دستخط کیے ہیں، تاہم ان کے بقول انہیں ان دستاویزات کی اصل تفصیلات کا علم نہیں ہے۔اداکار نے واضح کیا کہ وہ اب بھی اپنی ازدواجی زندگی کو بچانا چاہتے ہیں اور ان کی خواہش ہے کہ باہمی اختلافات دور ہوں اور شادی برقرار رہے۔معمر رانا کے اس بیان کے بعد سوشل میڈیا پر مختلف ردعمل سامنے آرہے ہیں۔ متعدد صارفین نے اداکار کے لیے نیک خواہشات کا اظہار کرتے ہوئے ان کی ازدواجی زندگی میں بہتری اور خوشگوار تعلقات کے لیے دعا کی۔دوسری جانب بعض سوشل میڈیا صارفین نے اداکار کی ازدواجی مشکلات کو ان کی مبینہ نشے کی لت سے جوڑتے ہوئے تبصرے کیے، تاہم یہ صارفین کے دعوے ہیں اور ان کی آزادانہ تصدیق سامنے نہیں آئی۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں