عالمی شہرت یافتہ فٹبالر کرسٹیانو رونالڈو اور جارجینا روڈریگز نے 11 اگست 2026 کو پرتگال میں نجی تقریب کے دوران شادی کرلی۔ تقریب میں ان کے پانچ بچے اور قریبی اہلخانہ شریک ہوئے۔رپورٹس کے مطابق شادی لزبن کے قریب ساحلی شہر کاسکائس میں ایک نجی سول تقریب میں ہوئی۔ جوڑے نے تقریب کی تصاویر شیئر کرنے کے بجائے صرف اپنے ہاتھوں کی تصویر پوسٹ کی، جس میں شادی کی انگوٹھیاں نمایاں تھیں۔جارجینا نے شادی کے موقع پر سادہ سفید، لمبی آستینوں والا لباس پہنا، جبکہ دونوں نے سادہ زرد سونے کی ویڈنگ بینڈز پہنیں۔ جارجینا کی منگنی کی انگوٹھی بھی خاص توجہ کا مرکز بنی، جس کی مالیت کے بارے میں مختلف اندازے سامنے آچکے ہیں۔شادی کی تاریخ بھی خاص اہمیت رکھتی ہے۔ جارجینا نے 11 اگست 2025 کو رونالڈو سے منگنی کا اعلان کیا تھا اور ٹھیک ایک سال بعد 11 اگست 2026 کو دونوں کی شادی ہوگئی۔رونالڈو اور جارجینا کی ملاقات 2016 میں میڈرڈ کے ایک گچی اسٹور میں ہوئی تھی، جہاں جارجینا سیلز اسسٹنٹ کے طور پر کام کرتی تھیں۔ تقریباً ایک دہائی پر محیط تعلق کے بعد دونوں نے اپنی شادی کو بھی انتہائی نجی رکھا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں