امریکا کے صدرڈونلڈ ٹرمپ نے 900 ارب ڈالر کے دفاعی پالیسی بل پر دستخط کر دیے۔
غیر ملکی خبر ایجنسی کے مطابق دفاعی پالیسی کے بل پر دستخط کے بعد بل قانون بن گیا ہے۔
اس سلسلے میں ترجمان وائٹ ہاؤس اینا کیلی کاکہنا ہے کہ ٹرمپ نے ایک ایسے بل پر دستخط کیے جو امریکی فوجیوں کی تنخواہوں میں اضافہ کرتا ہے۔
انہوں نے بتایا کہ یہ بل امریکا کے "پیس تھرو اسٹرینتھ ایجنڈا” اور "گولڈن ڈوم” کے فضائی اور میزائل دفاعی نظام کے لیے فنڈز فراہم کرتا ہے۔
دوسری جانب قانون سازوں کا کہنا ہے کہ نیشنل ڈیفنس آتھرائزیشن ایکٹ آنے والے سال کے لیے ملک کی قومی سلامتی اور خارجہ پالیسی کے ترجیحی علاقوں کا تعین کرتا ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں