لاہور کی مقامی عدالت نے فیک نیوزپر فسادات کیس میں ملزم فرحان آصف کو مقدمہ سے ڈسچارج کر دیا۔جوڈیشل مجسٹریٹ حمودالرحمان ناصر نے کیس کی سماعت کی ۔ ایف آئی اے نے ملزم کو چار روزہ جسمانی رہمانڈ کے بعد پیش کیا ۔ تفتیشی افسر نے بتایا کہ ہر طرخ سے انوسٹی گیٹ کیا مگر ملزم کے خلاف کوئی ثبوت نہیں ملا ۔ یہ پہلے سے نیوز شئیر ہوئی تھی۔ فرحان نے اس نیوز کو ہی اگے شئیر کیا ۔ عدالت نے استفسار کیا کہ ملزم نے یہ خبر کس کے ساتھ شئیر کی اور کب ڈیلیٹ کی۔ فرحان آصف نے بیان دیا کہ میں نے 6 گھنٹے بعد اسکو ڈیلیٹ کر دیا تھا ۔ عدالت نے تفتیشی کے بیان کے بعد ملزم فرخان آصف کو مقدمے سے ڈسچارج کرنے کی استدعا منظور کر لی ۔ ملزم کے ڈسچارج ہونے پر احاطہ عدالت میں اس کی ہتھکڑی کھول دی گئی۔ ملزم پر الزام تھا کہ اس نے برطانیہ میں چاقو زنی کی فیک نیوز چلائی تھی ۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں