معاشی و دفاعی تجزیہ کار سردار فہیم قتل کیس میں 2 ملزمان کو گرفتار کرلیا گیا۔آئی جی اسلام آباد نے وزیرمملکت برائے داخلہ طلال چوہدری کے ہمراہ پریس کانفرنس میں بتایا کہ ملزمان کو گوجرانوالہ اور سرگودھا سے گرفتار کیا گیا، ملزمان عادی مجرم تھے جنہوں نے ریکی کرکے دیکھا کہ کس گھر میں کم آمد و روفت ہوتی ہے ۔
آئی جی اسلام آباد کے مطابق ملزمان ڈکیتی کی نیت سے گھر میں داخل ہوئے، ملزمان نے سردار فہیم کو مزاحمت کے دوران لوہے کی سلاخ سے مارا۔ سردار فہیم کا قتل ٹیسٹ کیس تھا ، 6 دنوں میں ہم نے سردار فہیم قتل کیس کو منطقی انجام تک پہنچایا۔
دوسری جانب طلال چوہدری نے اسلام آبادپولیس کی تعریف کرتے ہوئے کہا کہ پولیس نے ثنا یوسف اور غیرملکی خاتون سے زیادتی سمیت اندھے قتل کے متعدد کیس حل کیے، پولیس کی ان ہی کوششوں کے باعث اسلام آباد میں جرائم کی شرح میں کمی آئی ہے۔
معاشی و دفاعی تجزیہ کار فہیم سردار گھر میں زخمی حالت میں پائےگئے تھے اور اسپتال منتقلی کے دوران دم توڑ گئے تھے، فہیم سردار حکومت سے منسلک تھنک ٹینک سے وابستہ تھے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں