وزیراطلاعات پنجاب عظمی بخاری نے سانحہ 9 مئی کے ملزمان کی رہائی پر اعتراض اٹھاتے ہوئے کہا ہے کہ معافی کے بعد جیلوں سے نکلنے والے مجرم پہلے والے عزائم دہرا رہے ہیں، 9 مئی کرنے والوں کو یہ رعایت پاک فوج کی جانب سے آئی ہے اور اُن کو بھی اس پر دوبارہ سوچنا چاہیے۔
لاہور میں پریس کانفرنس کرتے ہوئے عظمیٰ بخاری نے کہا کہ انتشار کا ایندھن بننے والے بچے باہر نکل کر بھی 9 مئی کے جذبے کا اظہار کر رہے ہیں، وزیر اعلیٰ ہاؤس خیبرپختونخوا میں بلوائیوں کے اعزاز میں تقریب کا انعقاد کیا گیا، پاک فوج کو بھی سوچنا چاہیے کہ ایسی جماعت کےلیے رعایت ہونی چاہیے یا نہیں۔
یہ بھی پڑھیں : 26 نومبر احتجاج: 13مقدمات میں 250 ملزمان کی ضمانت منظور، 150 کی مسترد
انہوں نے کہا کہ اس طرح کے بلوائیوں کو اگر ایسا ریلیف ملے تو پھر اس ملک میں 9 مئی بار بار ہوگا۔ عظمیٰ بخاری نے پاکستان تحریک انصاف (پی ٹی آئی) کی قیادت پر تنقید کرتے ہوئے کہا کہ انہوں نے ہر چیز میں سیاست کرنی ہے، خیبر پختونخوا کی حکومت وہاں کی جیلوں کو ٹھیک کیوں نہیں کرتی، ان کو صرف اڈیالہ جیل ہی کیوں نظر آتی ہے؟ان کا کہنا تھا کہ بانی پی ٹی آئی اپنے اعمال پر کبھی نادم نہیں ہوتے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں