عوام پاکستان پارٹی کے سربراہ شاہد خاقان عباسی نے کہا ہے کہ آئینی ترمیم بغیر دیکھے ، پڑھے اورسمجھے منظور کی گئی، 26 ویں آئینی ترمیم سے عدلیہ پر حملہ کیا گیا۔
شاہد خاقان عباسی نے کہا کہ کوئی شک نہیں کہ قانون سازی کرنا پارلیمان کا کام ہے لیکن اس کا یہ مطلب یہ نہیں کہ آئینی ڈھانچہ تبدیل کر لیا جائے۔
انہوں نے مزید کہا کہ بلاول بھٹو کہتے تھے کہ 300 یونٹ بجلی فری دیں گے ، مسلم لیگ ن نے کہا 200 یونٹ بجلی فری دیں گے ، کیا اب تک کسی کو بجلی فری ملی؟۔
دریں اثنا سیکرٹری جنرل عوام پاکستان پارٹی مفتاح اسماعیل نے کہا ہے کہ عوام کا مینڈیٹ چوری کیا گیا ، حکومت روزگارکے لیے کچھ نہیں کر رہی ، حکومت بچانے کے لیے آئین سازی کی جا رہی ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں