آئی ایس پی آر کے مطابق 12جنوری کو بلوچستان کے ضلع کچھ میں سیکیورٹی فورسز نے خفیہ اطلاعات کی بنیاد پر کامیاب آپریشن کیا ، دہشت گردوں کی موجودگی کی اطلاع پر کارروائی کی گئی ۔
آپریشن کے دوران سیکیورٹی فورسز نے دہشت گردوں کے ٹھکانے کو گھیرے میں لے کر مؤثر کارروائی کی۔ شدید فائرنگ کے تبادلے کے بعد 27 دہشت گرد مارے گئے ۔
آپریشن کے دوران دہشت گردوں کے کئی ٹھکانوں کو تباہ کیا گیا، جن میں اسلحہ ، گولہ بارود اور دھماکہ خیز مواد کے ذخائر بھی شامل تھے ۔ ہلاک ہونے والے دہشت گرد سیکیورٹی فورسز اور معصوم شہریوں کے خلاف متعدد دہشت گرد کارروائیوں میں ملوث تھے اور قانون نافذ کرنے والے اداروں کو انتہائی مطلوب تھے ۔
شمالی وزیرستان میں سکیورٹی فورسز کی 2 مختلف کارروائیوں میں 9 خوارج ہلاک
آئی ایس پی آر کا کہنا ہے کہ سیکیورٹی فورسز قوم کے ساتھ مل کر بلوچستان میں امن، استحکام اور ترقی کو سبوتاژ کرنے کی تمام کوششوں کو ناکام بنانے کے لیے پُرعزم ہیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں