اسرائیلی وزیر اعظم بنجمن نیتن یاہو نے لبنان میں جنگ بندی کی تجویز مسترد کرتے ہوئے فوج کو حزب اللہ کے خلاف پوری قوت سے جنگ جاری رکھنے کی ہدایت کی ہے۔
لبنان پر اسرائیلی فضائی حملوں میں سینکڑوں افراد کی ہلاکت اور ہزاروں افراد کے بے گھر ہونے کے بعد امریکا، یورپی یونین اور کئی عرب ریاستوں نے لبنان میں 21 روزہ جنگ بندی کے لیے مشترکہ اپیل کی ہے۔
اسرائیلی وزیراعظم نیتن یاہو کے دفتر سے جاری بیان میں اس اپیل پر ردعمل میں کہا گیا ہے کہ یہ ایک امریکی اورفرانسیسی تجویز ہے، جس کا وزیراعظم نے جواب تک نہیں دیا اور وزیر اعظم نے نے فوج کو مکمل طاقت کے ساتھ لڑائی جاری رکھنے کا حکم دیا ہے۔
امریکا اور دیگر ممالک کی جانب سے اسرائیل اور لبنان کے درمیان 3 ہفتے کی جنگ بندی کا مطالبہ اسرائیلی فوج کے سربراہ لیفٹیننٹ جنرل ہرزی حلوی کی جانب سے بدھ کے روز اسرائیلی فوجوں کو حزب اللہ کے خلاف ممکنہ زمینی حملے کے لیے تیار رہنے کے بیان کے چند گھنٹے بعد سامنے آیا تھا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں