امریکی نائب صدر کملا ہیرس نے کہا ہے کہ اگر وہ صدر منتخب ہو گئی تو کچھ سرکاری نوکری کے لیے تعلیمی شرائط میں نرمی کردیں گی۔
ڈیموکریٹک صدارتی امیدوار اور ان کے ریپبلکن حریف 5 نومبر کو ہونے والے امریکی صدارتی انتخابات میں ووٹروں کو راغب کرنے کے لیے شہریوں سے نِت نئے وعدوے کر رہے ہیں۔
کملا ہیرس نے پنسلوانیا میں تقریر کرتے ہوئے کہا کہ امریکی صدر کی حیثیت سے میں وفاقی ملازمتوں کے لیے غیر ضروری ڈگری کے تقاضوں سے چھٹکارا حاصل کرواؤں گی تاکہ چار سالہ ڈگری کے بغیر شہری ملازمت حاصل کر سکیں۔
امریکی مردم شماری بیورو کی طرف سے جاری کردہ اعداد و شمار سے پتہ چلتا ہے کہ 25 سال یا اس سے زیادہ عمر کے 62 فیصد سے زائد امریکیوں کے پاس بیچلر یعنی 16 سالہ تعلیمی ڈگری نہیں ہے۔2020 میں کالج ڈگری کے بغیر امریکیوں کی تعداد پانچ میں سے تین فیصد تھی۔
نائب صدر کملا ہیرس نے مزید کہا کہ ضروری نہیں ڈگری کسی شخص کی صلاحیتوں کی نشاندہی کرے، البتہ چاہوں گی نجی کمپنیاں بھی ملازمتوں کی فراہمی کے لیے مطلوب تعلیمی قابلیت کی شرائط میں نرمی اختیار کریں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں