مودی سرکار کے دور حکومت میں بھارتی افواج کی پیشہ ورانہ نااہلی کھل کر سامنے آگئی ۔بھارتی ریاست گجرات میں کوسٹ گارڈ کا ہیلی کاپٹر بحیرہ عرب میں گر کر تباہ ہوگیا۔ ریسکیو مشن پر جانے والے ہیلی کاپٹر پر 2 پائلٹس کے ساتھ 2 غوطہ خور بھی سوار تھے لیکن دونوں پائلٹس بھی لاپتہ ہوگئے۔اسی کے علاوہ دو اور تین ستمبر کی شب بھارتی طیارہ مگ 29 ریاست راجستھان کےبارمیر سیکٹر میں گر کر تباہ ہوگیا ۔بھارتی فضائیہ کا لڑاکا طیارہ چند لمحوں بعد ہی پائلٹ کی ناتجربہ کاری کے باعث گر کر تباہ ہوا۔ بھارتی فوج کی نااہلی اور غیر پیشہ ورانہ طرز عمل اب کسی سے ڈھکا چھپا نہیں رہا۔بی جے پی حکومت نے بھارتی افواج کی ساکھ پر سوالیہ نشان لگا دیا ہے ۔بھارتی فضائیہ میں گزشتہ 30 سال میں 535 جہاز فضائی حادثوں کا شکار ہوئے۔گزشتہ 5 سال کے دوران 46 فضائی حادثات میں ہلاک ہونے والے بھارتی پائلٹس کی تعداد 42 ہے۔ ان حادثات نے یہ واضح کر دیا کہ بھارتی حکومت مالی فائدے کے لیے ملک کے اہم اداروں کو تباہ کر رہی ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں