فلسطین کے مغربی کنارے میں بس اور گاڑیوں پر فائرنگ کے واقعے میں 3 اسرائیلی شہری ہلاک ہوگئے۔
اسرائیلی میڈیا کے مطابق مقبوضہ مغربی کنارے میں 2 مسلح حملہ آوروں نے ایک بس اور 2 گاڑیوں پر فائرنگ کی جس کے نتیجے میں 3 اسرائیلی شہری ہلاک ہوگئے۔
اسرائیلی میڈیا کے مطابق حملے میں 8 افراد زخمی بھی ہوئے جنہیں اسپتال منتقل کردیا ہے جبکہ حملہ آور موقع سے فرار ہوگئے جن کی تلاش جاری ہے۔
یہ بھی پڑھیں : اسرائیلی فورسز کی غزہ پر بمباری، 2 دن میں 150 فلسطینی شہید
مغربی کنارے میں ہونے والے حملے کے بعد حماس کی جانب سے جاری کردہ بیان میں کہا گیا ہے یہ حملہ قابض اسرائیلی حکومت کےلیے پیغام ہے کہ غزہ، مغربی کنارے سمیت تمام مقبوضہ فلسطینی علاقوں میں رہنے والے فلسطینی کسی صورت اپنے حقوق کا سودا نہیں کریں گے اور اسرائیلی قبضہ ختم ہونے تک اس کے خلاف مزاحمت جاری رکھیں گے۔
دوسری جانب شمالی غزہ سےاسرائیل پر 3 راکٹ فائر کیے گئے ہیں میں جن میں 2 راکٹ اسرائیلی دفاعی نظام نے گرادیے جب کہ ایک راکٹ خالی گھر پر گرا جس سےکوئی جانی نقصان نہیں ہوا۔
وہ لمحہ جب قلقیلیہ میں دو نوجوانوں نے صیہونی آبادکاروں کی بس پر فائرنگ کیں
3 صیہونی آبادکار ہلاک 10 کے قریب زخمی pic.twitter.com/BG0NUN8C3s
— Bareerah/بریرۃ (@maira72776) January 6, 2025
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں