امریکی صدر جو بائیڈن آج اپنی 82 ویں سالگرہ منا رہے ہیں ۔ جوبائیڈن امریکا کی تاریخ کے سب سے معمر صدر ہیں۔ اسکریٹن، پینسلوینیا میں 20 نومبر 1942 کو پیدا ہونے والے بائیڈن نے 2021 میں بطور 46ویں صدر عہدہ سنبھالا۔
جو بائیڈن کا سیاسی سفر کئی دہائیوں پر محیط ہے، انہوں نے 2009 سے 2017 تک صدر براک اوباما کے نائب صدر کے طور پر خدمات انجام دیں ، وہ 36 سال تک ڈیلاویئر کی نمائندگی کرتے ہوئے امریکی سینیٹ کا حصہ رہے ۔ ڈیموکریٹک پارٹی کے رکن بائیڈن نے اپریل 2023 میں دوبارہ انتخاب لڑنے کا اعلان کیا، حالانکہ ان کی عمر اور صحت کے حوالے سے خدشات کا اظہار کیا جا رہا تھا۔
انتخابی مہم کے دوران، 27 جون کو ہونے والے پہلے صدارتی مباحثے کے بعد ان کی فٹنس پر عوامی بحث میں شدت آئی۔ اگرچہ بائیڈن نے اپنی پارٹی کی نامزدگی کے لیے ضروری مندوبین کی حمایت حاصل کر لی تھی، انہوں نے 24 جولائی کو 2024 کے صدارتی انتخابات سے دستبرداری کا اعلان کیا۔
بائیڈن نے نائب صدر کمالا ہیرس کی بطور ڈیموکریٹک امیدوار حمایت کی، تاہم وہ عام انتخابات میں سابق صدر ڈونلڈ ٹرمپ سے شکست کھا گئیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں