بھارت اور آسٹریلیا کے درمیان پرتھ ٹیسٹ کے تیسرے روز آسٹریلوی ٹیم مشکلات کا شکار ہو گئی ۔ 535 رن کے ہدف کے جواب میں آسٹریلوی بلے باز ہوم گراؤنڈ پر بیٹنگ کرنے آئے تو بھمرا کے سامنے بلے بازی بھول گئے ۔ دن کے اختتام پر آسٹریلیا نے 12 رن بنائے تھے اور اس کے 3 بلے باز پولین لوٹ گئے ۔
پرتھ میں تیسرے روز بھارت نے بغیر کسی نقصان کے 172 رن سے اننگز آگے بڑھائی تو پہلی وکٹ 201 رن پر گری ۔ اوپنر کے ایل راہل 77 رن بنا کر آؤٹ ہوئے ۔ یشوی جسوال نے 161 رن کی اننگز کھیلی ۔ اوپنرز کے درمیان 201 رن کی پارٹنرشپ آسٹریلیا میں بھارت کیلیے اب تک کی سب سے بڑی شراکت داری تھی ۔ عظیم بلے باز ویرات کوہلی نے بھی پرتھ میں سنچری اسکور کی ۔
یہ بھی پڑھیں:رضوان الیون کو زمبابوے کے ہاتھوں 80 رن سے شکست
یہ ان کے ٹیسٹ کیرئیر کی 30 سنچری تھی ۔ کوہلی کی سنچری مکمل ہونے پر بھارت نے اننگز 487 رن پر ڈیکلئر کر دی ۔ آسٹریلوی بارلرز دوسری اننگز میں بھارت کے 7 بلے باز آؤٹ کر سکے ۔
ٹیسٹ کے چوتھے روز آسٹریلیا کو جیت کیلیے مزید 522 رن کی ضرورت ہو گی جبکہ بھارت کو آسٹریلیا کے 7 بلے بازوں کو آؤٹ کرنا ہے ۔ پہلی اننگز میں آسٹریلوی ٹیم 104 رن بنا کر آؤٹ ہو گئی تھی ۔ بھارت نے پہلی اننگز میں 150 رن بنائے تھے ۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں