وزیراعلیٰ پنجاب کے چاہنے والی خاتون نے ان سے محبت کا انوکھا اظہار کرتے ہوئے مریم نواز کے نام کا پرفیوم لانچ کردیا۔
سوشل میڈیا پلیٹ فارم ’ایکس‘پر ایک پوسٹ تیزی سے وائرل ہو رہی ہے، جس میں دکھایا گیا ہے کہ ایک خاتون مداح نے وزیراعلیٰ مریم نواز کے لیے خصوصی پرفیوم متعارف کروایا ہے۔
’اس پرفیوم کا نام ’ایم این پنجاب دی دھی‘ رکھا گیا ہے، جب کہ اس کی خوبصورت پیکنگ پر مریم نواز کی تصویر بھی نمایاں ہے۔
سوشل میڈیا پر پرفیوم کے چرچے کے بعد وزیراعلیٰ پنجاب مریم نواز نے بھی اس دلچسپ پیشکش پر ردعمل دیا ہے۔ انہوں نے اپنے آفیشل ٹوئٹر اکاؤنٹ سے یہ پوسٹ شیئر کرتے ہوئے لکھا ’یہ مجھے بھی چاہیے ہے پلیز‘۔
یہ منفرد اقدام مریم نواز کے مداحوں میں ان کی مقبولیت اور پسندیدگی کا ایک اور اظہار بن گیا ہے۔ جبکہ سوشل میڈیا صارفین اس پر دلچسپ تبصرے بھی کررہے ہیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں