حالیہ مون سون بارشوں کے باعث گزشتہ 24 گھنٹوں میں مزید 13 افراد جاں بحق ہوگئے جس کے بعد 26 جون سے 20 جولائی تک ہلاکتوں کی مجموعی تعداد 216 ہوگئی۔
نیشنل ڈیزاسٹر منیجمنٹ اتھارٹی (این ڈی ایم اے) کے مطابق گزشتہ 24 گھنٹوں میں 12 افراد پنجاب اور ایک خیبرپختونخوا میں جاں بحق ہوا جن میں 4 بچے اور 3 خواتین شامل ہیں۔
این ڈی ایم اے نے بتایاکہ پنجاب میں سب سے زیادہ 135 اموات، خیبر پختونخوا میں 42، سندھ میں 21، بلوچستان میں 16 جبکہ اسلام آباد اور آزاد کشمیر میں ایک ، ایک ہلاکت رپورٹ ہوئی۔اب تک بارشوں سےجاں بحق افراد میں 75 مرد، 40 خواتین اور 101 بچے شامل ہیں۔
این ڈی ایم اے کا کہنا ہے کہ گزشتہ 24 گھنٹوں میں مزید 20 افراد زخمی ہوئی اور اب تک مجموعی طور پر 582 افراد زخمی ہوچکے، گزشتہ 24 گھنٹوں کے دوران پنجاب میں 16، گلگت میں 3 اور آزاد جموں کشمیر میں ایک شہری زخمی ہوا۔زخمی ہونے والوں میں 227 مرد، 163 خواتین اور 192 بچے شامل ہیں۔
این ڈی ایم اے کے مطابق زیادہ تر اموات گھر گرنے، سیلاب، بجلی گرنے، لینڈ سلائیڈنگ اور ڈوبنے سے ہوئیں، 26 جون سے 20 جولائی تک 779 گھر تباہ اور 195 جانور ہلاک ہوئے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں