بانی پاکستان تحریک انصاف (پی ٹی آئی) و سابق وزیراعظم عمران خان نے وزیراعلیٰ خیبرپختونخوا علی امین گنڈا پور کو پی ٹی آئی کے پی کے کی صدارت کے عہدے سے ہٹا دیا۔
تفصیلات کے مطابق وزیراعلیٰ خیبرپختونخوا علی امین گنڈا پور کو کے پے کی کی صدارت سے ہٹانے کا فیصلہ جنید اکبر خان کی بانی پی ٹی ائی عمران خان سے سے اڈیالہ جیل میں ملاقات کے دوران کیا گیا۔ ملاقات میں رکن قومی اسمبلی (ایم این اے) عاطف خان، اپوزیشن لیڈر پنجاب اسمبلی ملک احمد خان بچھر، ایم پی اے پنجاب میاں فرحت عباس بھی شریک تھے۔
یہ بھی پڑھیں : پی ٹی آئی نے 26 ویں آئینی ترمیم سپریم کورٹ میں چیلنج کر دی
اس موقع پر پی ٹی آئی رہنما سلمان اکرم راجہ نے عدالت کے باہر میڈیا سے غیر رسمی گفتگو کرتے ہوئے کہا کہ رکن قومی اسمبلی جنید اکبر کو پی ٹی ائی خیبرپختونخوا کا صدر نامزد کر دیا گیا، پی ٹی ائی کی سابق رکن قومی اسمبلی عالیہ حمزہ کو بھی پنجاب میں اہم تنظیمی عہدہ ملنے کا امکان ہے۔
سلمان اکرم راجہ کا کہنا تھا کہ اگر حکومت مذاکراتی کمیٹی کی ملاقات 28 جنوری کو کراتی ہے تو پھر دیکھیں گے، ہمارا موقف یہی ہے کہ پہلے کمیشن بنائیں، عمران خان نے کہا ہے کہ 28 جنوری کو حکومت ملاقات کرائے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں