صوبائی دارالحکومت میں آتش بازی پر مکمل پابندی عائد کر دی گئی، انوائرنمنٹ پروٹیکشن ایجنسی نے نوٹیفکیشن جاری کر دیا۔
ڈپٹی کمشنر لاہور سید موسیٰ رضا کا کہنا ہے کہ نئے سال کی آمد پر کسی قسم کی آتش بازی نہیں کی جائے گی اور خلاف ورزی پر بلا امتیاز سخت کارروائیاں عمل میں لائی جائیں گی۔
انہوں نے کہا کہ فضا میں آلودگی کے پیش نظر آتش بازی پر پابندی کا نوٹیفکیشن جاری کیا گیا ہے۔
یہ بھی پڑھیں:سرکاری افسران اور ملازمین کا بیک وقت ایک سے زائد محکموں میں ملازمت کا انکشاف
ڈی سی لاہور کا کہنا تھا کہ ضلعی انتظامیہ لاہور اسموگ کے تدارک کیلیے کوشاں ہے، فضائی آلودگی شہریوں میں صحت مسائل کا باعث بن سکتی ہے۔ انہوں نے کہا کہ صاف اور صحت مند ماحول کے لیے سخت اقدامات جاری ہیں۔
سید موسیٰ رضا نے شہریوں سے اپیل کی ہے کہ بچوں، بزرگوں اور بیمار افراد کو خاص طور پر اسموگ کے مضر اثرات سے محفوظ رکھیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں