محکمہ انسداد دہشتگردی (سی ٹی ڈی) پنجاب نے صوبے کے مختلف شہروں میں کارروائیاں کر کے 16 فتنہ الخوارج کے 16 دہشتگردوں کو گرفتار کر لیا ہے۔
ترجمان سی ٹی ڈی کے مطابق، لاہور سے فتنہ الخوارج کے ایک دہشتگرد کو گرفتار کیا گیا، جس کے قبضہ سے اسلحہ اور بارودی مواد بھی برآمد کیا گیا ہے، دہشتگرد کا تعلق شمالی وزیرستان سے ہے۔
ترجمان نے مزید بتایا کہ سی ٹی ڈی نے فتنہ الخوارج کے دہشتگردوں کے خلاف کارروائیاں بہاولپور، منڈی بہاؤالدین، میانوالی، ٹوبہ ٹیک سنگھ، رحیم یار خان، چنیوٹ اور وہاڑی میں کی گییں۔
ترجمان سی ٹی ڈی کے مطابق، دہشتگردوں سے دھماکا خیز مواد آئی ای ڈی بم اور ڈیٹونیٹر برآمد ہوئے ہیں۔ ترجمان کا کہنا ہے کہ دہشتگرد مختلف مقامات پر کارروائیاں کرنا چاہتے تھے۔ گرفتار دہشتگردوں سے مزید تفتیش جاری ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں