ایڈیشنل ڈسٹرکٹ اینڈ سیشن جج نے بچوں کی مبینہ اسمگلنگ اور دستاویزات میں ردوبدل کے مقدمے میں صارم برنی کی اہلیہ عالیہ صارم برنی کی عبوری ضمانت کی توثیق کا فیصلہ محفوظ کرلیا۔
کراچی میں ایڈیشنل ڈسٹرکٹ اینڈ سیشن جج عثمان احمد خان کی عدالت کے روبرو بچوں کی اسمگلنگ اور دستاویزات میں ردوبدل کے مقدمے میں صارم برنی کی اہلیہ ملزمہ عالیہ صارم برنی کی عبوری ضمانت کی درخواست پر سماعت ہوئی۔
یہ بھی پڑھیں:’دعا کے پاپا‘ نے بڑے بڑے انٹرنیشنل یوٹیوبرز کو بھی پیچھے چھوڑ دیا
عدالت نے ملزمہ عالیہ صارم برنی کی عبوری ضمانت کی توثیق کا فیصلہ محفوظ کرلیا جو 23 دسمبر کو سنائے جانے کا امکان ہے۔
پراسیکیوشن کے مطابق مقدمے کا مرکزی ملزم صارم برنی عدالتی ریمانڈ پر جیل میں ہے جبکہ مقدمے میں عالیہ صارم برنی نے عبوری ضمانت حاصل کر رکھی ہے۔
مقدمے کے دیگر ملزمان حمیرا، مدیحہ اور بشارت مفرور ہیں، ملزمان کے خلاف ایف آئی اے میں بچوں کی اسمگلنگ اور دستاویزات میں ردوبدل کا مقدمہ درج ہے۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں