کرشنگ سیزن کے دوران ایف آئی اے نے شوگر ملز کی مانیٹرنگ کا فیصلہ کرلیا۔وزیراعظم کے حکم پر ایف آئی اے لاہور زون کی ٹیمیں تین شوگر ملز پر تعینات کردی گئیں، شوگر ملز میں چینی کی پیداوار، سٹاک اور سیلز کا روزانہ ریکارڈ مرتب کیا جائیگا۔
ایف آئی اے نے وزیراعظم کے حکم پر عمل کیلئے خصوصی ٹیمیں تشکیل دیدی ہیں جو شوگر ملز میں چینی کی پیداوار، سٹاک کا ریکارڈ رکھیں گی۔ٹیکس چوری روکنے کیلئے ملز کی سیلز کا روزانہ ریکارڈ مرتب کیا جائیگا، شوگرملز میں گنے کی آمد اور ٹرالیوں کی تعداد کا ریکارڈ مرتب ہوگا۔
یہ بھی پڑھیں : وزیراعظم کا ذخیرہ اندوزی پر نظر رکھنے کیلئے شوگر ملز میں کیمرے نصب کرنے کا فیصلہ
ایف آئی اے لاہور زون کی ٹیمیں تین شوگر ملز پر تعینات کردی گئی ہیں۔ ڈائریکٹر لاہور زون سرفرازخاں ورک نے ٹیموں کو ٹاسک سونپ دیئے اورہدایت کی کہ تمام ٹیمیں انتہائی ذمہ داری اور ایمانداری سے ڈیٹا مرتب کریں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں