سٹیٹ بینک آف پاکستان نے شرح سود میں 2 فیصد کمی کردی ہے۔
سٹیٹ بینک نے مانیٹری پالیسی کا اعلان کردیا جس میں شرح سود کو 200 بیسز پوائنٹس تک کم کیا گیا ہے۔شرح سود19.5فیصد سے کم ہو کر17.5فیصد ہو گئی،شرح سود کو آئندہ2ماہ کیلئےمقررکیا گیا ہے۔
سٹیٹ بینک کا کہنا ہے گزشتہ 2 ماہ کے دوران مہنگائی میں تیزی سے کمی ہوئی، تیل اور غذا کی عالمی قیمتوں میں سازگار تبدیلی ہوئی،تیل کی عالمی قیمتیں تیزی سے کم ہوئی ہیں۔
سٹیٹ بینک کے زرمبادلہ ذخائر تقریباً 9.5 ارب ڈالر ہیں،جولائی سے اگست کے دوران ایف بی آر کی ٹیکس وصولی ہدف سے کم ریکارڈ ہوئی۔
اگست میں سیمنٹ اور پیٹرولیم مصنوعات کی فروخت بالترتیب 8.5اور 6.8فیصد بڑھی،جولائی 2024میں ترسیلات زر کی بلند آمد ہوئی،جاری کھاتے کا خسارہ 0.2 ارب ڈالر تک محدودرہا۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں