وفاقی حکومت نے نئے مالی سال کے ابتدائی15 روز میں ہی دوسری بار پیٹرولیم مصنوعات کی قیمتوں میں اضافہ کر دیا ۔
وزارت خزانہ کی جانب سے منگل کی رات پیٹرولیم مصنوعات کی قیمتوں میں اضافےکا نوٹیفکیشن بھی جاری کردیا گیا ہے۔
نوٹیفکیشن کے مطابق پیٹرول کی قیمت میں 5 روپے 36 پیسے فی لیٹر اضافہ کیا گیا ہے، پیٹرول کی نئی قیمت 272 روپے 15 پیسے فی لیٹر مقرر کی گئی ہے۔
ہائی اسپیڈ ڈیزل کی قیمت میں 11 روپے 37 پیسے اضافہ کیا گیا ہے، ہائی اسپیڈ ڈیزل کی نئی قیمت 284 روپے 35 پیسے فی لیٹر مقرر کی گئی ہے۔
پیٹرولیم مصنوعات کی نئی قیمتوں کا اطلاق 16 جولائی سے کردیا گیا ہے۔
واضح رہے کہ اس سے قبل وفاقی حکومت نے رواں ماہ کی پہلی تاریخ کو نئے مالی سال کے آغاز پر بھی پٹرولیم مصنوعات کی قیمتوں میں اضافہ کیا تھا
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں