ایران کے اسرائیل پر جوابی حملوں کے بعد امریکی سٹاک مارکیٹس میں شدید مندی کا رجحان ہے۔ڈاؤ جونز انڈیکس میں 868 پوائنٹس یعنی 2 فیصد کی کمی دیکھی گئی۔
اسی کے ساتھ ساتھ نیسڈیک میں 1.2 فیصد اور ایس اینڈ پی 500 انڈیکس 1.1 فیصد گراوٹ کا شکار رہی۔امریکی سٹاک مارکیٹس میں مندی کے بعد سرمایہ کاروں میں تشویش کی لہر دوڑ گئی۔
کچھ دیر قبل ایران نے اسرائیل پر جوابی حملہ کیا اور ڈیڑھ سو سے زیادہ میزائل داغے، تل ابیب اور مقبوضہ بیت المقدس میں بیلسٹک میزائل داغے گئے اور اہم عمارتوں کو نشانہ بنایا گیا۔
تل ابیب میں اسرائیلی وزارتِ دفاع کے ہیڈکوارٹرز کے قریب آگ لگ گئی، اسرائیلی فوجی ترجمان کی پریس کانفرنس روک دی گئی۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں