مرکزی جنرل سیکرٹری جے یو آئی مولانا عبدالغفور حیدری کا کہنا ہےکہ جے یو آئی کو آئینی ترمیم کا مسودہ نہیں دیا گیا، جب تک بل نہیں دیکھیں گے پڑھیں گے نہیں کیسے ووٹ دیں۔
اسلام آباد میں میڈیا سےگفتگو کرتے ہوئے عبدالغفور حیدری کا کہنا تھا کہ حکومتی ٹیم کو کہا ہےکہ بل پیش کرنے میں جلدی نہ کریں، ہم نے کہا اجلاس میں شریک ہوں گے وہاں اپنا مؤقف پیش کریں گے۔
عبدالغفور حیدری کا کہنا تھا کہ ہم اجلاس میں جا کر اپنا مؤقف رکھیں گے، اتنی جلدی کریں گے تو ہم نہیں ہیں، حکومت سے کھل کر کہا آپ کو بہت جلدی ہے، چاہتے ہیں کہ اپوزیشن کی دیگر جماعتیں بھی آئینی ترمیم کے مسودے کو پڑھ سکیں۔
جنرل سیکرٹری جے یو آئی کا کہنا تھا کہ پی ٹی آئی کے دوستوں کو بھی یہی کہا ہےکہ ہم نے حکومت سے تاخیر کا کہا ہے، حکومت سےکہا ہےکہ پڑھنے سوچنےکا وقت دو تا کہ فیصلہ کرسکیں۔
تازہ ترین خبروں، تجزیوں اور روز مرہ کے واقعات کی اپ ڈیٹس کے لیے واٹس ایپ پر روزنامہ ’’گل بات‘‘ کا ’آفیشل چینل یا آفیشل گروپ‘ جوائن کریں